‹ Back

 

المعادلة الكندية للصيادلة

#المعادلة_الكندية_للصيادلة #البوست_التفصيلي 📷 📷 تأتيني رسايل كتير جدا عن المعادلة والبورد الكندي #لكن الأمانة تقتضي توضيح التفاصيل 📷 10 نصايح هامة في الموضوع ده: #ركزوا معايا 📷 📷البورد الكندي معناه معادلة شهادتك عشان تحصل على ترخيص مزاولة المهنة في كندا ولازم تسافر عشان تمتحن حتى لو حبيت تستفيد من خطوة المعادلة للعمل في الخليج #وبالتالي: ملوش علاقة بالبورد الأمريكي BPS في الكلينكال ده قصة تانيه خالص ما تخلطش بينهم 📷 📷 أول خطوة بتكون Enrollment in gate way ودي بتتعمل أونلاين من خلال تسجيلك على الموقع ده https://ipgportal.pharmacistsgatewaycanada.ca/ والهدف من الخطوة دي الحصول على National ID No. ويفضل تعمل أكونت على الموقع ده كمان https://pharmagate.ca/ عشان Candidate No. ودي الحاجة الوحيدة اللي هتعملها أونلاين من غير ما تسافر بس خلى بالك انها بفلوس وكله بالدولار الكندي 📷 إذا كنت ناوي تسافر كندا فيفضل تقدم على طلب هجرة والموقع ده هيساعدك في معادلة شهادتك https://www.wes.org/ca/ وخلى بالك ان بكالوريوس صيدلة في مصر ومعظم الدول العربية بيعادلوه هناك بماستر وده بيعطي نقط كتير ودي ميزة 📷 تبدأ بعد كده تفكر في سكة الامتحانات ولازم تعرف ان كل امتحان ليه تكلفة منفصلة وأول السكة من خلال Document Evaluation وده من موقع البورد الكندي PEBC https://pebc.ca/ وهنا فيه 3 أظرف هيتبعتوا لعنوان البورد الكندي ودول عبارة عن الآتي 📷 ظرف يحتوي على (document evaluation اللي هتملاها وتطبعها بعد ما تنزلها من الموقع + إثبات شخصية "جواز سفر" بتروح لمحامي عنده ختم انجليزي يختم ويوقع على صورة الجواز وانها صورة طبق الاصل وانك وقعت قدامه + شهادة الكلية الكرتون) وترسله من عنوانك على عنوان البورد الكندي هتلاقيه في الموقع 📷 ظرف مغلق يحتوى على (بيان درجات حديث من الجامعة بالانجليزي طبعا) وبيرسل من الجامعة وبيتختم على قفلة الظرف بختم الجامعة 📷 ظرف مغلق يحتوي على شهادة حسن سير وسلوك من النقابة ويرسل من النقابة

📷 بعد الكلام ده تبدأ تسجل عشان أول امتحان وهو EVALUATING EXAM وده له معادين (يناير أو يونيو) وطبعا له مصاريف منفصلة تزيد عن 500 دولار كندي بحاجة بسيطة والامتحان ده بيكون في كل حاجة درستها في الصيدلة وأفضل مرجع ليه comprehensive pharmacy review وطبعا احنا عاملين مصدر ملخص لكني بشتري كتب الأسئلة أول بأول عشان أوفر وقت وجهد على الناس وفي النهاية الموضوع بيحتاج 6 شهور مذاكرة على الأقل 📷 بعد الامتحان ده فيه امتحان أصعب شوية وهو Qualifying وله معادين (مايو أو نوفمبر) وفيه امتحان OSCE بعديه وده عبارة عن حالات بتدخل عليها بيمثلوا انهم مرضى Role play وبيكون السؤال متعلق بالحالة وبيختبر قدرتك على التفكير والتصرف واستخراج المعلومة من المصادر. 📷لو وصلت للمرحلة دي تقدر تعادل شهادتك وتشتغل بالمعادلة في أي مكان لكن لو هتكمل يبقى تابع 📷 📷 تيجي لمرحلة اللغة والأشهر امتحان IELTS ولازم تجيب حد أدنى في الأربع أجزاء 6 والتوتال 7 وفيه سماح 0.5 درجة في writing , speaking ما دام التوتال لا يقل عن 7 📷 وهنا تظهر اختلافات المقاطعات عن بعضها وفيه Bridging program خاصة عند الإخفاق في بعض الامتحانات السابقة وتكلفته عالية لذلك لا ينصح بالاستهانة في دخول الامتحنات بدون اعداد جيد وفيه jurisprudence امتحان في قوانين الولاية او المقاطعة اللي هتروح عليها 📷مرحلة PRA Pharmacy regulatory affairs عشان تحصل على الرخصة وعضوية النقابة وكمان التدريب اللي بيختلف من مقاطعة لاخرى مثلا في ألبرتا يبدأ التدريب من بعد امتحان evaluation ولازم تعرف ان كل خطوة ليها مصاريفها لو استوعبت اللي اتقال واخدت قرار تقدر تسجل هنا للاعداد للكورس https://forms.gle/pvs1DJcvg5kxqKT6A